تانى يوم احتلال العراق॥كان موافق 21 مارس و مصر كلها كانت رسمياً بتحتفل بعيد الأم ....معرفتيش الكلام جه على بالى ازاى بالعامية المصرية ...ملحوظة كلمة (يامًه)باللغة الفلاحى اللى أنا أنتمى ليها تعنى يا أمى أو يا ماما زى ما تحبوا بس تتقرى هنا (يا مًه) بتشديد الميم المفتوحة
افرحى يامه فى عيدك
وانشدى أحلى نشيدك
و انسى كل جراح حبايبك
و اوعى حتى تمدى ايدك
افرحى يامه فى عيدك
**************
افرحى يامه و غنى
و ان خاصمتك غصب عنى
حته منك......حته منى
فى العراق بيموت وليدك
افرحى يامه فى عيدك
****************
افرحى وانتى الزعيمة
زغرتى ف وش الجريمة
و اعملى كام فيلم سيما
زودى بيهم رصيدك
و افرحى يامه فى عيدك
*******************
صرحى و قولى لعيالك
للعدا فاتحة قنالك
"دير ساسين" فين من خيالك؟
دمهم فين من وريدك؟؟
افرحى يامه فى عيدك
No comments:
Post a Comment