نفسى

نفسى ف مرة أشوفكم بره سجون الخوف
ليه دايماً عايشين فى الضلمه
و بندارى الهم المكشوف
بنمصمص شفايفنا و نبكى
على دنيا كات حلوة زمان
و نقول أيامنا بقت مرة
و الناس :يا مغفل....يا جبان
عل الرغيف نصحى و نام
و صاحبنا بيتعشى حمام
يا خوانا بكفايه كلام
الظلم مش جاى م الأيام
الظلم داء مخلوق فينا
زرعاه و من بدرى ايدينا
من يوم ما فرعون قالها زمان:
"أنا الاله و انتو عبيدى"
علينا وقفناه سجان
برضانا....و قولاناله:
"يا سيدى"