سامحيني

وسامحيني

سامحيني

إذا كان الكلام خاني

...... حاولت كتير اقول إني

....... ولكني

وانا وحدي

وانا وحدي ف طريق ضلمة

لقيتك نور

أمل مبدور

على السكة

يشع سرور

بيغسل بالحياة

موتي

يبدل بالتراب قصري

أنا المقبور

كلام ...يمكن

....و لا حتى

....و لا جايز

و أنا يمكن يكون قدري

أتوه في النور

تاخدني الضلمة للضلمة

يخاصمني

يخاصمني نهار

معذور

و عذره

إنه مش حر ف قرار ياخده

... أنا آسف

.... أنا آسف

....... أنا آسف

كلامي العاصي عاندني

رفض حبسي

قهر صمتي

.....أنا آسف

كلامي ...جرح

أنا عارف

كلامي جرح بيبعتر جراح تانية

و راحتي فى العذاب آية

في سورة " آآآآآآآه"

و كلمة آااااه تريحني

و تدبحني

و تبني في الفؤاد فوضى

و لا أرضى

و لا أرضى بغير الدوا سمي

و لا إسمي

و لا لوني

و لا رسمي

هيبقوا في الكتاب صفحة

أنا محذوف من الدفتر

بأمر القاضي و الحاجب

و لا عيني

في يوم تعلا

على الحاجب

يجوز تعلا...إذا تورم

و أجيلها

أبتغي المرهم

فتشفى العين برؤياها

و مين يفهم....؟؟؟؟

مين.....يفهم...؟؟؟

يارب الكون

أنا راجع

بإيد مكسورة

م الحاجة

و لا أعلم

فخدني إليك

أنا مليت من ال ...... حاجة

و لا......حاجة

سوى المي...بيصحبني

إذا اسكت

أو اتكلم

و لا ينفعني غير.....عطفك

ياخدني من عذاباتي

و آهاتي

و أناتي

لكن.....بسأل

؟؟؟؟؟؟؟؟؟

أنا كتلة من العصيان

على أرضك

فهل...؟؟؟

هل..؟؟

هل يمكن..؟

و هل...تقبل؟؟

بأن......؟

و أن....؟

و لا......؟

أنا ابكم

أيا رحمان

يا أكرم

خلقت القلب

فيه....تسكن

و فيه... تسكن

و ريح تسكن

إذا تسكن

و لا تسكن